Të enjten në ambientin e Komandës së Forcave Tokësore, Komandati i KFT-së gjeneralbrigade Hysen Dreshaj ka pritur në takim delegacionin nga Forcat e Armatosura të Republikës së Shqipërisë (FARSH) të kryesuar nga Komandanti i Forcave Tokësore të FARSH gjeneralmajor Ilir Xhebexhia.
Sipas njoftimit të FSK-së, Dreshaj e ka njoftuar gjeneralin Xhebexhia për të arriturat dhe sfidat e KFT-së, ngritjen e kapaciteteve luftarake, po ashtu kanë diskutuar për mundësitë e bashkëpunimit në mes të dy forcave me fokus trajnimet dhe stërvitjet e përbashkëta.
Në komunikatë thuhet se gjeneralët shprehën gatishmërinë e tyre për një bashkëpunim në fusha të interesit të përbashkët, në ngritjen e kapaciteteve dhe kontributin e tyre në të mirë të të dyja vendeve dhe interesit të përgjithshëm në të mirë të paqes në rajon dhe më gjerë./teve1.info/
