Kryetari i Lëvizjes Vetëvendosje, Albin Kurti, ka mbërritur në takimin me kryetarin e Lidhjes Demokratike të Kosovës (LDK), Lumir Abdixhiku, në përpjekje për të gjetur një zgjidhje për konstituimin e institucioneve.
Para nisjes së takimit, Kurti deklaroi se takimet me LDK-në nuk përbëjnë lajm, duke theksuar se fokusi duhet të jetë te përpjekjet për konstituimin e institucioneve të Legjislaturës së XI-të. Ndërsa “do të ketë takim, do të ketë lajm” ishin fjalët e tij derisa po hynte në objektin e Kuvendit të Kosovës.
“Do të ketë takim, do të ketë lajm”, u shpreh ai.
Megjithatë, ai përsëriti se takimet me LDK-në nuk përbëjnë më lajm.
“Kur të kemi marrëveshje politike, nga ana ime do të keni edhe material për lajme. Takimet me LDK-në nuk janë lajm. Janë përpjekje normale për t’i konstituar institucionet e Legjislaturës së XI-të”, tha Kurti.
Ndërsa i pari i LDK-së, Lumir Abdixhiku, para takimit me kryeministrin në detyrë, Albin Kurti, ka kërkuar që sot të konstituohet Kuvendi i Kosovës, duke theksuar se nuk ka arsye për vonesa në këtë proces.
