Ndeshja e shtyrë e javës së dytë në Superligën e Kosovës në futboll ndërmjet Dritës dhe Drenicës do të luhet të mërkurën, më 17 shtator.
Ky takim u shtye për shkak të angazhimeve ndërkombëtare të Dritës në garat evropiane, por tani ekipet janë gati për përballjen që do të zhvillohet në stadiumin me bari artificial në Gjilan.
Ndeshja do të nisë në orën 15:00 dhe pritet të jetë shumë interesante, pasi të dy ekipet kërkojnë pikë të rëndësishme në vazhdimin e sezonit.
Pas tre ndeshjeve të zhvilluara deri tani, Drita ka arritur të grumbullojë vetëm dy pikë, falë dy barazimeve dhe një humbjeje, duke mos pasur ende fitore në këtë kampionat.
Ndërsa Drenica, me katër ndeshje të zhvilluara, ka arkëtuar katër pikë, me një fitore, një barazim dhe dy humbje, përfshirë edhe humbjen e fundit ndaj Ballkanit.
Kjo përballje konsiderohet e rëndësishme për të dyja skuadrat që të përmirësojnë pozitat e tyre në tabelë.
Momentalisht, “Intelektualët” ndodhen në pozitën e shatë tabelare, ndërsa Drita renditet e nënta.
