Më 2 maj në kryeqendren evropiane, në kuadër të dialogut Kosovë – Serbi, pritet të ndodhë takimi i nivelit të lart mes kryeministrit kosovar Albin Kurti, dhe presidentit serb Aleksandar Vuçiq.
Sipas emisarit evropian për dialog, Miroslav Lajçak në agjendën e takimit do të përfshihet prezantimi i draft-statutit të parë të Asociacionit të Komunave me shumicë serbe në Kosovë.
E poashtu aty pritet miratimi zyrtar i deklaratës për personat e pagjetur gjatë luftës së fundit në Kosovë.
E meqenëse i njëjti nuk është publik, njohësi i politikave ndërkombëtare, Arbër Fetahu konsideron se në takimin e nivelit të lartë, do të diskutohet vetëm për modalitetet e formimit të asociacionit.
Duke shtuar se aty pritet të definohet edhe qasja e Serbisë, për zbatimin e aneksit të planit evropian.
Ndërkaq nga takimi i 2 majit politologu Dritëro Arifi nuk ka pritje të madhe.
Arifi komentoi edhe piken tjetër të takimit, atë për të pagjeturit.
Ai thotë se ujdia mund të mos nënshkruhet.
Në muajin shkurt në Bruksel, palët arritën Marrëveshjen drejt normalizimit të raporteve, ndërkaq në mars në Ohër, Kosova dhe Serbia u pajtuan për Aneksin e zbatimit të kësaj marrëveshjeje.
Një prej pikave të marrëveshjes parasheh zotimin e Kosovës për të siguruar një nivel të duhur të vetëmenaxhimit për komunitetin serb në Kosovë.
Kronika e gazetares Valëza Sylejmani.