Arratisja e Enver Sekiraqës, një ditë pas gjykata e kthehu në paraburgim ka nxitur reagime të mëdha në vend.
Për këtë rast që Tëvë 1 ka raportuar të shtunën ekskluzivisht, ka reaguar dhe shefi i Grupit Paralamnetar të PDK-së, Abelard Tahiri.
Ai ka thënë se ky është dështim i institucioneve të drejtësisë dhe se për këtë duhet të marrë dikush përgjegjësi.
“Niveli i sundimit të ligjit dhe siguria e qytetarëve të Kosovës është në nivelin më të ulët. “Të fortët” që sfidojnë ligjin çdo herë e më shumë po inkurajohen nga qeveria e paaftë që ka dështuar për të fuqizuar luftën kundër krimit. Arratisja e Enver Sekiraqës është dështimi i radhës i institucioneve të drejtësisë dhe për këtë duhet dhënë llogari. Kjo gjendje është një arsye më shumë përse vendi duhet të shkojë sa më parë në zgjedhje të parakohshme. Gjendje e tillë alarmante është edhe në sektorët e tjerë, prandaj shpërndarja e Kuvendit dhe zgjedhjet e reja tanimë janë të domosdoshme”, ka shkruar Tahiri.
Sekiraqa u shpall fajtor për nxitje të vrasjes të policit Triumf Riza.
Për herë të parë në vitin 2016 Sekiraqa ishte dënuar me 36 vite burgim kurse sërish në vitin 2019 me 20 vite burgim. Ish-polici, Triumf Riza, është vrarë më 30.08.2007 në Prishtinë.
