Shefi i Grupit Parlamentar të Aleancës për Ardhmërinë e Kosovës, Besnik Tahiri në seancën e Kuvendit ka thënë se me Ligjin e Pagave janë gëzuar 10 mijë njerëz, por 70 mijë të tjerë janë dëshpëruar.
Tahiri thotë se është dëshpërues lajmi për rritjen e rrymës për 17%, raporton teve1.info
Sipas tij, ky do të jetë viti i kapitullimit ekonomik.
“Tri lajmet e fundit janë tepër dëshpëruese, e para ka të bëjë më paralajmërimin e rritjes së rrymës, e para paralajmërimi i rrymës për 14% si mund të ndodh kjo mbi çfarë baze cili është presioni, si ka ardhur deri këtu vendim. E dyta, ka të bëjë me rritjen e tatimit në pronë që ka afektuar drejtpërdrejt qytetarët. Dhe e treta lidhet me sektorin publik dhe ligjin e pagave, po 10 mijë njerëz janë gëzuar 70 mijë tjerë kur zgjohen në mëngjes dhe shkojnë në punë janë të dëshpëruar, nuk ka reflektim të zhvillimi ekonomik dhe vijmë në seancë dëgjojmë ministra dhe kryeministri dhe ministrat duke u sjell rreth një teme rreth politikës iu them me përgjegjësi të plotë se ky do të jetë viti i kapitullimit ekonomik”, ka deklaruar ai.
Po ashtu, Tahiri thotë se ekonomia dhe bizneset janë para kolapsit dhe bankrotimit.
“Ekonomia dhe bizneset janë para kolapsit dhe bankrotimit, njerëzit që janë në punë në sektorin privat dhe publik janë bërë rast social sikur ata që marrin social sepse nuk ka as ngritje të pagave nuk ka asnjë veprim apo subvencion asnjë element që forcon ekonominë. Ekonomia e bënë jetën, ndërsa kjo qeveri e ka kthyer në mjet të vetin në qëllim të vetin vetëm diskutimin politik”, tha ai. /Teve1.info/