Shefi i grupit të AAK-së, Besnik Tahiri ka thënë se reagimi i djeshëm i Qeverisë për “megaskandalin” në KEK tregon panikun e madh që kanë në raport me këto afera korrruptive.
Ai tha se komunikimi dhe sulmi që i është bërë organeve të pavarura të drejtësisë tregon për një alarm që është në Qeveri, shkruan teve1.info
“ Ajo që duhet të thuhet sot zëshëm në Kuvend është se megaskandali i djeshëm në KEK dhe veprimi i orkestruar i mbrojtjes para se më u ditë as edhe hetimi se për çfarë, as çfarë tenderësh janë, as për çfarë arsyeje kanë shkuar policia dhe prokuroria tregon shumë qartë panikun e madhe që e ka kjo Qeveri në raport me këto afera korruptive.
Komunikimi i djeshëm dhe sulmi që i është bërë organeve të pavarura të drejtësisë tregon për një alarm që është në Qeveri në raport më këtë afer korruptivve dhe më afera të tjera potenciale, të cilat mund të vin te organi shqyrtues i prokurimit”, ka thënë Tahiri në Kuvend.
Ai më tej, ka thënë se Qeveria nuk duhet të ndërhyjë në punën e drejtësisë si dhe ka kërkuar që të mos përkrahët drejtori i KEK-ut, njëjtë siç është bërë në rastin e Martin Berishaj.
“Një pyetje që ja bojë kolegeve deputet: A është kjo drejtësia që ju e keni proklamuar? A nuk është e mundur që këtë hetim të ia lëmë organeve përgjegjëse dhe pastaj të shohim se ku po del ky. Ajo që shihet dhe ajo që duket është se ky është vetëm fillimi dhe zinxhiri në emër të votave tuaja – në emër të 51- përqindëshit korruptive, po shihet që do të jetë i gjatë.
Andaj kërkesa ime për juve është mos e mbroni, ashtu siç keni bërë me aferën korruptive të Martin Berishaj për shkak se po shihet qartë se veprimi i policisë dhe prokurorisë është vetëm në nisje në këtë teme, duke e ditë se dy kontrata joburimore, një kontraktim me vetëdije të plotë. Lenja prokurorisë, lenja gjykatave, lenja hetuesve dhe të shohim se çfarë do të ndodhë”./teve1.info
