Shefi i Grupit Parlamentar të Partisë Demokratike të Kosovës, Abelard Tahiri, tha se raportimi i kryeministrit Albin Kurti në Kuvend është obligim Kushtetues.
Madje, ai ka kërkuar që përmes një rezolute të pranohen kërkesat e minatorëve që janë në grevë.
“Mendoj që ky është një obligim i kryeministrit dhe është obligim i Rezolutës që është miratuar në Kuvend. E rëndësishme është që të kuptohet se në çfarë është pajtuar Qeveria e Kosovës dhe si do të jetë që kryeministri është pajtuar për Asociacionin”, ka thënë Tahiri, teksa foli edhe për grevën e minatorëve, shkruan EO.
Gjithashtu, ai ka bërë të ditur që në seancën e radhës përmes një rezolute do të kërkojnë që të pranohen kërkesat e minatorëve.
“Ne gjithashtu do të kërkojmë që në seancën e radhës që përmes një rezolutë të pranohen kërkesat e minatorëve. Mendoj që janë kërkesa të drejta dhe minimale”.
