Shefi i grupit parlamentar të PDK-së, Abelard Tahiri, ka thënë se sot në Kuvend, do të synojnë të angazhohen për ta gjetur një zgjidhje për ushqimin në FSK.
Tahiri ka thënë se asnjëherë nuk e ka menduar se kjo temë do të mund të diskutohet në Kuvend.
“Nuk e kam menduar kurrë se një ditë Kuvendi i Kosovës do të thërrasë seancë të jashtëzakonshme për shkak të mungesës së ushqimit për Ushtrinë e Kosovës. Vetëm një qeveri e paaftë si kjo, ka mundur të na sjellë në këtë situatë. Megjithatë, në seancën e jashtëzakonshme që e kemi ftuar sot, përtej kritikave, fokus primar e kemi angazhimin për të gjetur një zgjidhje emergjente, në mënyrë që urgjentisht të evitohet ky problem. Ushtria e Kosovës është krenaria jonë.” – ka shkruar Tahiri.
