Tahiri tha se Lëvizja Vetëvendosje ka ardhur në pushtet me premtimet që përvec rritjes së pagës minimale të gjejë zgjidhje edhe për problemet tjera të punëtorëve. Mirëpo, sipas Tahirit, Qeveria Kurti nuk ka bërë asgjë në këtë drejtim, përveç se ka krijuar konflikte shoqërore.
“264 euro të pagës minimale, natyrisht që nuk janë të mjaftueshme. Në Kosovë ka nevojë që përveç pagës minimale, shteti të bëjë më shumë për të drejtat e punëtorëve. Kemi nevojë të kemi më shumë inspektime, më shumë respektim të ligjit dhe të drejtave të punëtorëve. Por, kemi një qeveri që ka ardhur pikërisht me këtë premtim, që 1 vit e gjysmë nuk ka bërë asgjë në këtë drejtim, përkundrazi po prodhon vetëm konflikte shoqërore”, tha Tahiri në emisionin “Ditari” për Tëvë1.
