Përmes një postimi në Facebook, Tahiri tha se parulla e LVV-së, “Krejt dhe Drejt” konfirmon se mungesa e një plani të qartë, është vetë plani i stagnimit.
Sipas tij, një vit pas, Kosova është në udhëkryq pa vizion, e qytetari më i varfër.
“Krejt dhe Drejt’ ishte parulla, që konfirmon se mungesa e një plani të qartë, është vetë plani i stagnimit. Deklaratat populliste, u treten si fluska, kapja, ç’ kapja, avancuan në deklarime qesharake për punësime, shkarkime e ngarkime, me filtera e bojlera, pa ndonjë rezultat. Një vit pas, Kosova është në udhëkryq pa vizion, e qytetari më i varfër’, ka shkruar ai.
Ai po ashtu thotë se raporti me SHBA-në është dëmtuar dukshëm, ndërsa sipas tij, pozicioni i Kosovës me vendet e BE-së është në pikën më të ulët që ka qenë ndonjëherë.
“Në rrafshin ndërkombëtar Kosova ka ulur kredencialet, me komunikim të gabuar, e mos besueshmëri ndaj partnerëve. Raporti me ShBA është dëmtuar dukshëm, ndërsa pozicioni ynë me vendet e BE-së është në pikën më të ulët që ka qenë ndonjëherë. Dialogun e trajtojmë në nivel të teknikëve, ndërsa raportin me Serbinë e trajtojmë prej teme në temë, sikurse rasti i mbajtjes së zgjedhjeve më 3 prill. Ndërkaq, arritja e marrëveshjes finale, që përmbyllet me njohje, duket i pa qartë”, tha më tej Tahiri.
Ndërkaq, si punë të vetme të mirë të Qeverisë, Tahiri thotë se është krijimi i Fondit të Sigurisë.
“Nëse pyet dikush cila është puna e vetme e mirë e kësaj qeveria, lehtësisht e dimë se është krijimi i Fondit të Sigurisë’, ka përfunduar ai. /teve1.info/
