Shefi i Grupit Parlamentar të PDK-së, Abelard Tahiri, ka thënë se Kosova për katër vjet është zvogëluar në popullsi.
Sipas tij, për tri vjet, nga 50 mijë qytetarë e kanë lëshuar Republikën e Kosovës.
Ai tha se këto janë shifra tmerruese.
“Cila është pamja sot? Fenomeni më i dhimbshëm që më së shumti e ka goditur Kosovën është emigrimi i qytetarëve të Kosovës. Bazuar në statistika gjatë këtyre katër viteve, 2021 – 2022 del që rreth 50 mijë qytetarë e kanë leshur Kosovën brenda vetit, pra për tri vjet radhazi nga 50 mijë qytetarë e kanë lëshuar vendin. Këto janë shifra tmerruese… Pra fotografia më e dhimbshme e kësaj qeverisjeje është migrimi i qytetarëve tanë”, tha Tahiri.
Duku iu referuar fjalit të Kurtit se nuk kanë premtuar njohje të reja, Tahiri tha se kryeministri është përgjegjës edhe për diplomaci, edhe për njohje, edhe për anëtarësim në organizata ndërkombëtare nuk është kjo një listë e dëshirave.
“Kryeministri nuk mundet me zgjedh me çka me u marrë e me çka jo. Kryeministri është përgjegjës edhe për diplomaci, edhe për njohje, edhe për anëtarësim në organizata ndërkombëtare nuk është kjo një listë e dëshirave me çka po du me u marrë e me çka s’po du. Unë nuk kisha dasht me dëgju kryeministrin e vendit tim që realisht bëhet si prezantues i raporteve të policisë, prokurorisë, institucioneve ligjzbatuese, të referentave në ministri”, tha ai.
