Shefi i Grupit Parlamentar të Aleancës, Besnik Tahiri, ka reaguar lidhur me situatën politike në vend, duke thënë se mandati i deputetit buron nga vullneti i qytetarëve dhe nuk mund t’i merret nga një deputet tjetër.
“Mandati i deputetit buron nga populli dhe askush nuk guxon të na e marrë. 120 deputetëve nuk po u lejohet ushtrimi i mandatit të fituar në zgjedhje”, ka deklaruar Tahiri.
Ai ka theksuar se deputetët duhet të jenë të barabartë në ushtrimin e mandatit të tyre dhe se, sipas tij, pamundësimi i ushtrimit të mandatit përbën shkelje të parimeve demokratike dhe të të drejtave të njeriut.
“Deputeti është i barabartë me deputetin tjetër, nuk mund t’ia marrë mandatin. Kjo është shkelje e të drejtës themelore në demokraci dhe shkelje e të drejtave të njeriut”, është shprehur Tahiri./teve1.info/
