Kështu ka thënë Tahiri gjatë një fjalimi të tij të mbajtur sot në Seminarin e 102-të të Rose-Roth i Asamblesë Parlamentare të NATO-s, me temën “Integrimi euro-atlantik i Ballkanit Perëndimor: sfidat e zgjatura, realitetet e reja dhe perspektivat e ardhshme”.
Ai thotë se përkundër që janë në opozitë dhe kanë mospajtime me Qeverinë, sipas tij, kur bëhet fjalë për anëtarësimin në NATO, janë bashkë.
“Kosova ka lindur dhe jeton me NATO-në, duam të jemi pjesë e NATO-së. Sot, jemi këtu për të përcjellë një mesazh, që përkundër faktit që jemi në opozitë dhe kemi mospajtime me Qeverinë, kur bëhet fjalë për anëtarësimin në NATO, për partneritetin për paqe dhe agjendën ndërkombëtare, ne jemi bashkë. Ka shumë gjëra që na ndajnë, por kur bëhet fjalë për këto çështje, ne jemi të bashkuar”, tha Tahiri. /teve1.info/
