Deputeti i PDK-së, Arian Tahiri ka kërkuar që Kuvendi i Kosovës të veprojë me përgjegjshmëri dhe urgjencë përballë situatës me të cilën po përballet vendi.
Tahiri tha se në seancën që pritet të mbahet të hënën, Kuvendi duhet të ketë një deklaratë të përbashkët.
“Institucionet, përkatësisht Kuvendi i Kosovës duhet të sillet me përgjegjshmëri, duhet të reflektojë ndërgjegjshmëri dhe gatishmëri. Duhet të bëjë veprimet e nevojshme, të duhura dhe urgjente karshi situatës me të cilën është duke u ballafaquar vendi ynë. 16 shtatori ka qenë një ditë e zezë, ditë e rëndë për shtetin e Kosovës”, tha Tahiri në konferencë për media.
Ai theksoi se më e rëndësishme se deklarata është nisma ligjore që tashmë është dorëzuar në Kuvendin e Kosovës.
“Të hënën të kemi një deklaratë të përbashkët në seancën që do të bëhet. Më e rëndësishme se deklarata është projektligji, nisma ligjore të cilën ne tashmë veçse e kemi bërë dhe e kemi dorëzuar në Kuvendin e Kosovës”, tha ai.
Tahiri bëri të ditur se nisma ligjore nga Kuvendi ka shkuar në Qeverinë e Kosovës, ndërsa u.d e presidentes së Kosovës, Albulena Haxhiu, sipas tij, është zotuar se do të angazhohet personalisht që ajo të trajtohet me urgjencë.
“Haxhiu u zotua se personalisht ajo do të angazhohet dhe do të komunikojë me Kurtin në mënyrë që kjo nismë ligjore të trajtohet me urgjencën e nevojshme”, deklaroi Tahiri./teve1.info/
