Shefi i Grupit Parlamentar të Partia Demokratike e Kosovës, Arian Tahiri, ka kritikuar kryeministrin Albin Kurti për mënyrën e trajtimit të procesit të zgjedhjes së presidentit, duke e cilësuar atë jokushtetuese dhe shqetësuese për institucionet e vendit.
Tahiri tha se Kosova po përballet me një nga sfidat më të mëdha që nga shpallja e pavarësisë, duke theksuar se zhvillimet e fundit politike kanë pamundësuar krijimin e shumicës dhe arritjen e konsensusit për presidentin.
“Orët e fundit shteti ynë, Kosova, ka qenë duke u sfiduar me sfidën më të madhe që nga shpallja e pavarësisë. Tendenca për zgjedhjen e presidentit në mënyrë jokushtetuese ka qenë shqetësuese. Kemi paralajmëruar edhe më herët se veprimet e Kurtit, sidomos pas 28 dhjetorit, kanë pamundësuar ndërtimin e shumicës dhe konsensusit për zgjedhjen e presidentit”, u shpreh Tahiri.
