Shefi i Grupit Parlamentar të Aleancës për Ardhmërinë e Kosovës, Besnik Tahiri, ka hedhur një sërë akuza ndaj politikës së jashtme të Kosovës.
Tahiri është shprehur se diagnoza e politikës së jashtme të Kosovës është e thjeshtë, teksa shton se që tri vite Kosova nuk ka pasur asnjë njohje dhe asnjë anëtarësim në organizata ndërkombëtare.
Tahiri tha se politika e jashtme e ka kthyer Kosovën në një vend të sanksionuar nga BE-ja.
“Tri vjet asnjë njohje, tri vjet asnjë anëtarësim në organizata ndërkombëtare, të sanksionuar nga Bashkimi Evropian. Rroftë Gani Jakupi, po i del rroga! Sot kjo politikë e jashtme e ka kthyer vendin në vend të sanksionuar nga BE-ja”, ka thënë ai.
Ai përmendi Gani Jakupin, i angazhuar si konsulent i jashtëm për ambasadorin e Kosovës në Bruksel, Agron Bajrami, pasi që së fundmi u përmend për shkak të pagës së tij mujore prej 7 mijë e 500 eurosh.
