Shefi i Grupit Parlamentar të PDK-së, Abelard Tahiri ka thënë se do të angazhohen që t’i sjellin vendit një Qeveri të re.
Në fjalën e tij pas mbledhjes së Kryesisë, ai ka thënë se kjo është mbledhja që hap sesionin vjeshtor, dhe sipas tij është sesioni i fundit i kësaj legjislature, shkruan teve1.info
“Kjo është mbledhja që hap ketë sesion vjeshtor, realisht sesioni i fundit i kësaj legjislature. Angazhimi jonë si grup parlamentar do të shkoj që vendit ti japim një qeveri të re pas zgjedhjeve të 9 shkurtit”, ka thënë Tahiri.
Tutje, ai para gazetarëve ka shtuar se Kosovën e ka kapluar errësira dhe se ka ngecur në të gjitha fushat, teksa tha se në këtë kohë jemi në përplasje me miqtë tanë, e ka bllokim të vendit në të gjitha fushat.
“Në këtë kohë që jemi në përplasje me miqtë tanë, në bllokim të vendit në të gjitha fushat, shihet se këto tri vite e gjysmë është bërë shumë pak që të ecim tutje. Në cilindo aspekt që marrim në Kosovë ka ngecje. Errësira kogja e ka kapluar këtë vend. Vetëm një qeveri e re dhe një kryeministër si Bedri Hamza mund ti jap drejtim të ri dhe zhvillim vendit tonë”, ka thënë Tahiri.
“Si grup parlamentar i Partisë Demokratike, gjatë kësaj periudhe natyrisht që do të angazhohemi maksimalisht që ky proces të përmbyllet dhe të arrijmë t’i përfundojmë punët të cilat mund t’i ndihmojnë sado pak Kosovës. Edhe pse, siç e shihni jemi të izoluar e të bllokuar, pra komplet angazhimi ynë parlamentar, do të shkojë që vendit tonë t’i japim një qeveri të re pas zgjedhjeve të 9 shkurtit”, ka deklaruar shefi i Grupit Parlamentar të PDK-së.
