Arta Tahiri- Beqa, politologe ka thënë se faktori ndërkombëtarë nuk mund ta detyrojë asnjë parti që të futet në koalicion qeverisës
Ajo ka thënë se shumë proces integruese kanë ngecur për shkak të mungesës së vullnetit.
“Asnjë faktor ndërkombëtar nuk mundet me bë qeverinë me zor dhe me të shti në koalicion me zor. Shumë procese për integrim evropian nuk kanë ecur përpara sepse nuk ka pasur vullnet e aq më pak të detyrojë partitë politike të hyjnë në koalicion”, ka thënë ajo në emisionin “Këndi i Debatit” në Tëvë1.
Ajo ka thënë se elektorati po përgatitet për zgjedhje të reja pasi LVV nuk dëshiron koalicion me PDK-në e LDK me VV-në.
“PDK ka qenë neutrale për Vetëvendosje me shkronja të mëdha i ka thënë jo me PDK-në. LDK nuk e ka dhënë asnjë sinjal që dëshiron të hyjë në koalicion me VV-në. Për 11 ditë s’ka qeveri, sepse çdo i dy llaf është se do të ketë zgjedhje të reja. Po përgatitet elektorati për zgjedhjet të jashtëzakonshme”, ka thënë ajo.
