Sipas tij, për me justifiku një skandal duhet me qenë vërtetë në një zor të madh, raporton Teve1.info
Tahiri në seancën e Kuvendit thotë se është e pabesueshme se deri në çfarë niveli ka shkuar Qeveria në mbrojtjen e një inkriminimi të një zyrtari të lartë të Kosovës.
“Është e pabesueshme deri në çfarë niveli keni shkuar për me mbrojt një inkriminim të një zyrtari të lartë të Kosovës në shpëlarjen e parave dhe në çështjen e tregimit të energjisë elektrike. Është e pabesueshme se si një ambasador paguhet 600 mijë euro i cili që një javë nuk ka arrit me demantu që nuk është e vërtet. Ta dëshmojë që nuk ka xhirollogari në Mal Zi, nuk ka kompani atje, nuk e ka deklaruar pasurinë dhe sot me dal ministrja e Drejtësisë me justifiku gjithë këtë skandal vërtetë duhet me qenë në një zor të madh”, tha ai.
Tahiri thotë se që një javë nga skandali i Berishajt, ai nuk po arrin të demantoj që nuk ka të vërteta rreth skandalit të tij.
“Berisha nuk po arrin me demantru që nuk është paguar nga një kompani që merret me energji elektrike sllovene me bazë në Serbi 600 mijë euro. Pra është hapur kompania me një punëtorë dhe i ka marrë 600 mijë euro. Në anën tjetër për ne si Kosovë është me rëndësi se ku kanë shkuar këto mjete, s’ka lidhje shteti slloven këtu, është me rëndësi me pa se a është tradhti kombëtare kjo”, ka thënë ai. /teve1info
