Partia Demokratike e Kosovës ka dorëzuar 16 projektligje në Gjykatën Kushtetuese, që u miratuan në seancën e fundit.
Shefi i Grupit Parlamentar të PDK-së, Abelard Tahiri ka deklaruar se ata kanë paralajmëruar që do t’i dërgojnë 20 projektligje në Gjykatën Kushtetuese, mirëpo ka shtuar se në konsultim me ekspertët i kanë proceduar 16 prej tyre.
“Ashtu siç kemi paralajmëruar që PDK-ja do ti procedojë në Gjykatën Kushtetuese ligjet e miratuara në seancën e 5 dhjetorit. Para se të dal të ligjet mund të them lirisht se kjo seancë ka përcaktu një standard jashtëzakonisht të dëmshëm…Ato seanca kanë vendosur një rekord të zi parlamentarë jo vetëm në Kosovë, mirëpo edhe me gjerë, besojë edhe në rajon edhe në Evropë… Nuk mund të gjesh në një parlament dhunim të tillë të Kushtetutës. Sot i kemi proceduar 16 prej ligjeve të miratuara në seancën e 5 dhjetorit”.
Ai tha se 15 prej tyre kontestohen vetëm në procedurë, ndërsa një tjetër kontestohet edhe në procedurë edhe në përmbajtje.
“Dua të them 15 prej tyre kontestohen vetëm në procedurë, ndërsa një tjetër kontestohet edhe në procedurë edhe në përmbajtje. Ai ligj është për Byronë Shtetërore. Në këtë rast duke pasur parasysh se rregullorja e Kuvendit e ndalon shprehimisht që një ligj të miratohet në dy lexime brenda ditës”, ka deklaruar Tahiri.
