Analistja, Arta Tahiri-Beqaj ka deklaruar se ka zëra për një koalicion të mundshëm mes Lëvizjes Vetëvendosje dhe Partisë Demokratike të Kosovës.
Sipas Tahiri-Beqajt, një koalicion i tillë do të ishte i mirëseardhur për zhbllokim të situatës së ‘paprecedentë’ siç e ka quajtur ajo.
“ Zëra ka që mund të ndodhë një koalicion mes LVV-së dhe PDK-së por jam e prirur të jem më objektive. Do të ishte i mirëseardhur sepse tekefundit janë parti parlamentare të cilat janë legjitime të bëjnë koalicione sepse na e lejon edhe kushtetuta jonë kështu që gjithçka që do të na bënte të dilnim nga kjo situatë e cila është e paprecedentë por gjithashtu edhe një situatë që në fakt nuk po prodhon asnjë gjë të mirë. Do të ishte në të mirë të shtetit të mos shkojmë në kosto financiare më të madhe kohore për zgjedhje të jashtëzakonshme për të cilat rezultati tashmë është i njohur se nuk priten rezultate madhore”, ka thënë Tahiri-Beqaj në emisionin “Ditari” në Tëvë1.
