Politologia Arta Tahiri-Beqa ka komentuar rezultatet e fundit zgjedhore, duke vënë theksin tek rënia e përkrahjes për Lidhjen Demokratike të Kosovës (LDK).
Sipas saj, kjo nuk nënkupton që votat e humbura të partisë janë kaluar te Lëvizja Vetëvendosje (LVV).
Por, Tahiri-Beqa thotë se votuesit e LDK-së e kanë sabotuar votën.
“Rënia e LDK-së – nuk do të thotë që ajo votë ka shkuar te LVV-ja ose diku tjetër – është sabotim i votës, mosdalje e votuesit të LDK-së. Kam takuar njerëz të cilët kanë qenë të zhgënjyer dhe nuk e kanë deleguar votën askund. Kjo tregon se nuk kanë dalë në votim, kanë sabotuar votën. LDK-ja ka pasur bojkot të votës”, tha Tahiri-Beqa.
Ajo gjithashtu komentoi pjesëmarrjen e mërgatës, duke theksuar se numri i qytetarëve që kanë votuar nga jashtë ka ndikuar në përqindjen e partive.
“Mërgata po thotë që 300 mijë veta kemi ardhë, kjo tregon se e ka rritur përqindjen, por LVV-ja nga zgjedhjet e kaluara nuk ka përqindje të madhe të rritjes”., deklaroi ajo.
LDK-ja nga zgjedhjet e 28 dhjetorit ka marrë rezultatin prej 13,57 për qind, ndërsa LVV-ja ka arritur në 49,34, PDK-ja në 20,98. /teve1.info/
