Politologia, Arta Tahiri-Beqa, ka thënë se adresimet e së enjtes në Kuvend të presidentes Osmani kanë qenë kryekëput për qeverinë dhe kryeministrin Kurti.
Sipas saj presidentja ka bërë mirë që ka adresuar në mënyrë metaforike dhe jo në emra personal.
“Adresimet kryekëput kanë qenë për qeverinë dhe për Kurtin. Ka bërë mirë që ka adresuar në mënyrë metaforike se kujt po i adresohet por e kuptueshme që ka qenë pikërisht për qeverinë dhe Kurtin”, është shprehur Tahiri në emisionin “Ditari”, në Tëvë1.
Tutje Tahiri i ka dhënë të drejtë Osmanit për cilësimin ‘lojë bixhozi’ të qeverisjes së Kurtit, pasi siç ka thënë ‘kjo ka qenë pikërisht çfarë ka bërë kryeministri gjatë qeverisjes së tij’.
“Kurti dhe qeveria e tiij në gjithë këtë qeverisje ka qenë në fakt pikërisht në një lojë bixhozi me faktorin ndërkombëtar ku kemi thënë se shpesh ka marrë vendime të pamenduara mirë të cilat pastaj pavarësisht presionit të faktorit ndërkombëtar i është dashur të tërhiqej kjo është ajo loja e bixhozit që ajo e ka cilësuar”, ka shtuar ajo.
Megjithatë, ajo e ka vlerësuar të vonshëm këtë reagim të presidentes Osmani sepse sipas saj ajo është dashur të reagojë shumë më herët sesa tani.
“Absolutisht është zgjim i vonshëm sepse pikërisht në disa vendime të cilat kanë qenë tepër të rëndësishme për Kosovën kur atëhere vërtetë Kurti ku po e akuzon Osmani me të drejtë është dashur të reagohet shumë më herët sesa në këtë momentum”, ka thënë politologia Tahiri.
Të enjten në adresimin e saj vjetor, Presidentja e vendit Vjosa Osmani ndër të tjera ka folur edhe për ruajtjen e raporteve me miqtë dhe partnerët ndërkombëtar për çka ka thënë se rrezikimi apo luajtja bixhoz me raportet me miqtë cenon mbrojtjen e Republikës së Kosovës./teve1.info/
Osmani: Luajtja “bixhoz” me aleancat tona, rrezikon mbrojtjen e Republikës
