Deputeti i zgjedhur i Aleancës, Besnik Tahiri, ka vlerësuar se është bërë vonesë e madhe për konstituimin e Kuvendit të Kosovës.
“Jemi me vonë për konstituimin e Kuvendin. Nuk kemi kohë dhe energji të humbim kohë. Ne kemi qëndrim publik dhe politik. Brenga jonë është se Kosova po degradohet”, ka thënë Besnik Tahiri para medieve.
Në pyetjen se a do ta votojë Aleanca, kryetarin e ri të propozuar sot nga Lëvizja Vetëvendosje, ai tha se partia e tij nuk është pjesë e marrëveshje politike për formimin e institucioneve.
“Nuk jemi pjesë e një marrëveshje për ta votuar kryetarin e Kuvendit”, theksoi Besnik Tahiri.
Seanca konstituive është thirrur sot për në orën 10:00, ku në rend dite është konstituimi i legjislaturës së 11-të, por që nuk pritet të votohet qeveria.
