Deputeti i PDK-së, Nait Hasani, akuzon kryetarët e partive për ngërçin politik që është krijuar nga mos konstituimi i Kuvendit.
Sipas tij, ata duhet të ofrojnë mundësi, në mënyrë që deputetët t’iu përgjigjen.
“Problemi është tek kryetarët e partive. Ata duhet të hapin mundësi dhe ne të përgjigjemi. Kam qëndrimin tim, jam për zgjidhje. Të japin përparësi, ata të japin, jo ne. Ai (Kurti) duhet ta kuptoj një herë e përgjithmonë se nuk i ka fituar zgjedhjet, është partia e parë, por nuk i ka fituar zgjedhjet”, u shpreh deputeti.
