Shefi i Zyrës së BE-së në Kosovë, Tomas Szunyog ka vizituar komunat e Kllokotit dhe Vitisë, si dhe ka zhvilluar takime me kryetarët e këtyre dy komunave.
Ai ka shkruar në Twitter se temë diskutimi ishin problemet urgjente që i kanë këto komuna.
Po ashtu, i ka përgëzuar të dy kryetarët për nënshkrimin e Memorandumit të Mirëkuptimit dhe bashkëpunimin.
“Vizitova sot komunat e Kllokotit dhe Vitisë dhe pata takime të mira me kryetarët Vladan Bogdanoviq dhe Sokol Haliti. Ne diskutuam për nevojat më urgjente në ato komuna, duke përfshirë qasjen 24/7 në ujë të pijshëm, dhe bashkëpunimin e tyre me Qeverinë e Kosovës”, ka shkruar Szunyog.
“I përgëzova kryetarët e komunave për Memorandumin e Mirëkuptimit që nënshkruan dhe bashkëpunimin e tyre të mirë. Të dyja komunat përfituan nga investimet e BE-së në infrastrukturën publike, duke përfshirë qendrat shëndetësore, shkollat, parqet dhe sipërmarrjen dhe krijimin e vendeve të punës”, ka shkruar ai.
Po ashtu Szunyok ka vizituar edhe një Kishë Katolike në këtë komunë.
“Më tej, pata kënaqësinë të vizitoj Kishën Katolike të Madonës së Zezë në Viti dhe të takoj Don Marjan Demajn. Kjo kishë është një tjetër perlë e trashëgimisë kulturore”, thuhet në një postim në Twitter.
Visited tdy Klokot/Kllokot & Viti/Vitina municipalities & had good meetings w/the Mayors Vladan Bogdanović & Sokol Haliti.
We discussed the most pressing needs in those municipalities including 24/7 access to drinking water, and their cooperation with the Government of 🇽🇰#Kosovo. pic.twitter.com/9TXCmzz99Y— Ambassador Tomáš Szunyog (@EUAmbKS) March 28, 2023
