Sylvinho nuk e ka ndërmend të largohet nga Kombëtarja e Shqipërisë, ndonëse emri i tij ditët e fundit është lidhur me ekipin amerikan, Inter Miami.
Është raportuar se drejtuesit e Interi Miamit janë në kërkim të një trajneri të ri për ta zëvendësuar argjentinasin Tata Martino dhe në mesin e këtyre emrave është përmendur edhe Sylvinho.
Megjithatë, trajneri brazilian nuk e sheh veten larg Kombëtares së Shqipërisë pasi është i vendosur ta respektoj deri në fund kontratën e tij me Federatën Shqiptare të Futbollit (FSHF).
Ai në muajin korrik të këtij viti ka rinovuar kontratën me FSHF-në deri në dhjetor të vitit 2025, në mënyrë që ta vazhdoj punën e tij me Shqipërinë pasi arriti ta kualifikoj në “Euro 2024”.
Sylvinho ka thënë se pas kampanjës të Ligës së Kombeve, do ta përgatit ekipin për kualifikimet e Botërorit 2026 duke konfirmuar vazhdimin e punës së tij në krye të “kuqezinjve”.
Trajneri 50-vjeçar nga Brazili është në krye të Shqipërisë prej muajit janar të vitit 2023.
