Kombëtarja e Shqipërisë është rikthyer të dielën në stërvitje për t’u bërë gati për duelin e dytë në grup kundër Kroacisë.
Trajneri Sylvinho e ndau grupin e kuqezinjve në dy pjesë. Lojtarët që u aktivizuan në humbjen 2:1 kundër Italisë, të shtunën mbrëma, kanë punuar në palestër.
ADVERTISEMENT
Ndërkohë, pjesa tjetër që nuk luajti gare ka bërë përgatitje rreth 60-të minuta tekniko-taktike për duelin me Kroacinë.
Shqipëria kthehet në fushë të mërkurën për duelin e dytë të Grupit B kundër Kroacisë.
Kjo ndeshje nis në orën 15:00 dhe zhvillohet në stadiumin e Hamburgut, i cili ka një kapacitet prej 57 mijë ulëseve.
Sikurse Shqipëria, edhe Kroacia pësoi në ndeshjen e parë të grupit pasi u mposht 3:0 nga Spanja.
