Sulmuesi Rey Manaj është i vetmi që po e shqetëson selektorin e Shqipërisë, Sylvinhon para duelit me Serbinë.
Manaj nuk ka stërvitur fare me ekipin gjatë këtij grumbullimi dhe sipas të gjitha gjasave nuk do të jetë në dispozicion të Sylvinhos për ndeshjen e së shtunës mbrëma.
Shqipëria përballet me Serbinë prej orës 20:45 në “Arenën Kombëtare” në kuadër të kualifikimeve për Botërorin 2026.
Mungesa e Manajt, ka bërë që Sylvinho ti besoj Armando Brojës në sulm, i cili do të përkrahet nga Arbër Hoxha e Jasir Asani nga krahët.
Menjëherë pas repartit të sulmit do të jetë Nedim Bajrami kurse para mbrojtjes do të luajnë mesfushorët Kristjan Asllani e Ylber Ramadani.
Mbrojtja do të përbëhet nga Ardian Ismajli e Berat Gjimshiti në qendër, ndërsa Ivan Balliu e Mario Mitaj do të luajnë në krah kurse në portë pritet të jetë Thomas Strakosha.
