Maldini Kacurri është zyrtarisht lojtar i huazuar nga Arsenali te Morecambe në Angli.
Këto të fundit janë pjesë e ligës së pestë për nga niveli i futbollit anglez, për më tepër mbajnë vendin e 24 që përkon me të fundit në kampionat.
“National League” i ka klubet e konsideruara gjysmëprofesioniste.
Klubi ka publikuar deklaratën ku trajneri flet me optimizëm për afrimin e Kacurrit. Sylvinho i dha mundësinë e ftesës në shtator. 19-vjeçari debutoi si titullar në miqësoren ndaj Gjibraltarit.
“Është shumë mirë që Maldini ka vendosur të bashkohet me ne në formë huazimi, falënderojmë Arsenalin për bashkëpunimin e tyre dhe për vendimin se Mocekambe ishte vendi i duhur për Maldinin. Ne mendojmë se ai do të ketë një ndikim të menjëhershëm në lojë.
Mënyra si Maldini e kupton lojën si mbrojtës dhe gatishmëria e tij janë një cilësi e spikatur dhe ai është dikush që mund të ndihmojë gjithashtu në ndërtimin e një sulmi, ndërkohë që është i fortë edhe në mbrojtje”, u shpreh trajneri Ashvir Johal.
