Ish-diplomati, Donat Syla ka thënë se të gjitha partitë politike duhet që ta tejkalojnë vetveten dhe të formojnë një Qeveri të unitetit kombëtar.
Kjo Qeveri sipas tij të kishte një mandat njëvjeçar dhe në pozita kyçe të vendoseshin njerëz me ndikim, ku si shembull ka marrë kryetarin e AKR-së, Behxhet Pacollin.
Tutje, ai tha se pas një viti të shpërbehej Kuvendi dhe të organizoheshin zgjedhje.
“Unë konsideroj që të gjitha subjektet politike duhet që të tejkalonin vetveten dhe të formonin një qeveri të unitetit kombëtare që do të zgjaste me një mandatë një vjeçar, pra deri në ardhjen e kohës së zgjedhjes së presidentit/es. Gjatë këtij mandati një vjetar të emërohen në pozita kyçe të vendosen personalitete që kanë një bagazh… Nëse e merrni Behxhet Pacollin i cili ka qenë edhe në institucione edhe në kuptimin e kapaciteteve private ka depërtuar dhe ka bërë jashtëzakonisht të arritura qoftë njohje ndërkombëtare, por edhe për shkak të modelit që është duke u imponuar nga superfuqitë botërore, kryesisht nga SHBA-të. Një personalisht si Pacolli do t’i përshtatej shumë Kosovës që të shtynte procese përpara…”, ka deklaruar ai në emisionin “Ditari” në Tëvë1.
