Zëvendësministri i Mbrojtjes së Kosovës, Shemsi Syla, ka thënë se Kosova nuk mund të fajësohet për rastin në Serbi, pas vrasjes së një polici e ku dyshohet se Faton Hajrizi i arratisur nga burgu në Kosovë, e ka kryer veprën.
Syla ka thënë se Hajrizi ka qenë i kërkuar edhe nga Policia e Kosovës dhe nuk qëndrojnë pretendimet e ministri të Brendshëm të Serbisë, Ivica Daçiq, se rasti ka qenë i inskenuar nga Kosova.
“Të fajësohet Kosova nuk ka arsye. Edhe policia jonë ka qenë në ndjekje të tij, por nuk ka mundur ta gjej. Ka kaluar kufirin dhe ka ndodhë kjo , sa është e vërtetë ne ende nuk e kemi të vërtetuar se a është ngjarja e tillë që po proklamohet. Arratisja e tij, nuk ishte rast që neve na bënë të mburremi, ikja e tij nga burgu është dobësi e organeve që nuk e kanë pasur vigjilencën e duhur.
Assesi nuk mund të fajësohet Kosova për incidentin në Serbi”, ka thënë ai në emisionin “InfoNata” në Tëvë 1.
Për këtë rast ka folur ka folur edhe kryeministri i Kosovës, Albin Kurti i cili ka thënë se nuk duhet të politizohet.
