Syla në emisionin “Ditari” në Tëvë1, tregoi se Kosova janë duke punuar për marrëveshje edhe me katër shtete të tjera, të cilat janë të gatshme të ndihmojnë FSK-në për avancimin e përvojave.
Ai tha se në bisedime janë me Poloninë për krijimin e marrëveshjes “Sofa” që i ndihmon Kosovës të jetë pjesë e operacioneve pjesëmarrëse në misione jashtë vendit.
“Jo më pak se 15 shtete kemi marrëveshje bilaterale dhe kemi në gatishmëri të krijimit të marrëveshjeve të tilla me tri apo katër shtete të tjera, të cilët janë të gatshëm në çdo drejtim të na ndihmojnë. Në jemi në bisedime me shtetin polak jemi duke biseduar për të krijuar marrëveshjen ‘Sofa’ e cila na mundëson që të jemi pjesë e operacioneve pjesëmarrëse në stërvitje ose në misione jashtë vendit, siç kemi pasur rastin e misioneve që kemi pasur në Kuvajt që ishte performancë e jashtëzakonshme e ushtarëve tanë, kjo u bë përmes SHBA-së”, tha Syla.
Po ashtu, Syla tha se përveç Polonisë, po vazhdojnë fushën e bashkëveprimit edhe me Kanadanë, Norvegjinë, Danimarkën.
“Tani jemi të gatshëm të jemi pjesë e operacioneve të tjera p.sh Poloninë e kemi e kemi si rast edhe shtetet tjera edhe në Kanada dhe në vendet tjera skandinave. Me Norvegjinë, Danimarkën dhe shtetet e tjera të botës kemi marrëdhënie të mira dhe jemi duke vazhduar këtë fushë të bashkëveprimit dhe koordinimit të forcave ndërvepruese kudo që janë ato sidomos të NATO-s”, deklaroi Syla. /teve1.info/
