Syla në emisionin “Ditari” në Tëvë1, ka thënë se sfida kryesore e grave është pamundësia për të jetuar të sigurta dhe të lira në Kosovë.
“Sfida kryesore e grave është pamundësia për të jetuar të sigurta dhe të lira në Kosovë. Jemi një vend që kemi dal nga lufta dhe gjatë kohëve të paraluftës ose gjatë luftës zakonisht arsyetimi ka qenë ose nuk kemi një shtet tonin ose institucione tona që do të duhej të na mbronin. Apo sfida të tjera, jemi përqendruar në luftën ndëretnike, konfliktet mirëpo i kemi anashkaluar ato që kanë ndodhur brenda shtëpisë dhe zakonisht ka qenë dhunë kundër grave”, ka thënë ajo.
Syla thotë se dhuna ndaj grave po vazhdon edhe sot, teksa theksoi se gratë në Kosovë vazhdojnë të jenë të nënpërfaqësuara në sferën publike.
“Dhuna po vazhdon në sferën private, dhuna po vazhdon kundër grave dhe grat po vazhdojnë të mos jenë të sigurta dhe të lira për shkak që vazhdojmë të përballemi si gra, nuk po flas për rastin vizual apo realitetin që unë e jetoj apo dikush tjetër por si grup i grave në Kosovë vazhdojmë të jemi të nënpërfaqësuara në sferën publike, në politikë, në vendimmarrje aty ku është shumë e rëndësishme”, tha ajo.
Aktivistja po ashtu tregon se gratë janë të nënpërfaqësuara edhe në sferën ekonomike, ku sipas saj numri i të punësuarve gra është shumë i ulët.
“Jemi shumë të nënpërfaqsuara në sferën ekonomike, numri i të punësuarve gra është shumë i ulët, në pasuri është shumë i ulët sepse shumë pak gra trashëgojnë në Kosovë, kjo për arsye shumë kulturore”, ka thënë Syla.
Ndërkohe, Syla thotë se ana ligjore në Kosovë është shumë mirë e rregulluar por sipas saj jemi në një shoqëri që akoma nuk i kupton dhe pranon këto ligje.
“Anën ligjore e kemi shumë mirë të rregulluar, pasi kemi disa ligje të trashëguara nga vendet që veçse janë të zhvilluara që kanë kaluar në këto procese, ne kemi marrë pak a shumë të gatshme por jemi në një shoqëri që akoma nuk i kupton dhe pranon ato ligje. Fatkeqësia më e madhe që edhe vet institucionet që janë të thirrura mi zbatu këto ligje nuk i kuptojnë dhe i pranojnë ato, për shkak që këto institucione janë reflektim i shoqërisë”, deklaroi aktivistja e të Drejtave të Grave, Mirishahe Syla. /teve1.info/
