Zëvendësministri i Mbrojtjes, Shemsi Syla ka thënë se FSK është e gatshme për tu anëtarësuar në NATO.
Megjithatë sipas tij procesi i anëtarësimit në këtë organizatë është politik dhe se për këtë ata janë të gatshëm dhe afër ta ndihmojnë shtetit për anëtarësim
“Ne jemi faktorë shumë i gatshëm që të hyjmë në NATO më shpejtë dhe më sigurt. Si ushtri plotësojmë kriteret e NATO-së për të qenë pjesë e saj. Meqë procesi është politik shteti duhet të hyjë me segmentet komplet sepse edhe NATO është fuqi politiko –ushtarake, por si segment ne jemi shumë afër që ta ndihmojë shtetit të anëtarësohet në këtë organizatë dhe prandaj ne kërkojmë që të anëtarësohemi në NATO”, ka thënë Syla në emisionin “InfoNata” në Tëvë 1.
Ai ka përmendur se marrjen e përvojave për këtë proces janë në bashkëpunim të ngushtë me Shqipërinë.
“Bashkëpunim të shpejtë të shkollimit të kadetëve oficerëve dhe bashkëpunim në të gjitha fushat tjera. Me Shqipërinë kemi bashkëpunim shumë të thellë”, ka thënë Syla.
