Ministri në detyrë i Punëve të Brendshme, Xhelal Sveçla, ka reaguar pas aksionit të sotëm të Policisë së Kosovës në veri të vendit, ku u gjetën armë dhe pajisje të tjera që rrezikonin sigurinë publike.
Në një postim në Facebook, ai tha se asnjë pjesë e territorit të Republikës së Kosovës nuk mund të shërbejë më si strehë për kriminelë apo për armatime ilegale.
“Sot, në qendër të Mitrovicës së Veriut, në bodrumin e një ndërtese kolektive janë gjetur dy armë, municion i llojeve të ndryshme, karikatorë, një gazmaskë dhe pranga”, tha Sveçla.
Ai shtoi se institucionet e vendit mbeten të përkushtuara për të garantuar rendin, ligjin, sigurinë dhe stabilitetin për të gjithë qytetarët e Kosovës.
