Ministri i Brendshëm, Xhelal Sveçla ka uruar Shtetet e Bashkuara të Amerikës për Ditën e Pavarësisë.
Ai ka thënë se kontributi i SHBA-ve për forcimin e organeve të rendit publik të Kosovës si dhe të administratës, ka qenë dhe mbetet i rëndësisë së veçantë.
Teksa ka theksuar se ShBA –të janë partner i pazëvendësueshëm në betejat kundër korrupsionit, kriminalitetit e paligjshmërisë.
“Kontributi i SHBA për forcimin e organeve të rendit publik të Kosovës si dhe të administratës, ka qenë dhe mbetet i rëndësisë së veçantë. Ata janë partnerë e aleatë të pazëvendësueshëm, krah për krah në betejat kundër korrupsionit, paligjshmërisë, kriminalitetit e mbi të gjitha në kultivimin e sistemit të vlerave bazuar në liri, barazi e drejtësi. Bashkë me ta do ta fitojmë secilën betejë të demokracisë”, ka shkruar ai.
Sveçla i ka uruar në veçanti ambasadorin amerikan Jeffrey Hoveninier, stafin e Ambasadës dhe gjithë qytetarët amerikanë që jetojnë në Kosovë.
“Urime të veçanta për 4 korrikun Ambasadorit J. Hovenier, stafit të Ambasadës, si dhe gjithë qytetarëve amerikanë që aktualisht punojnë apo kanë punuar në Kosovë. Mirënjohje e miqësi e përjetshme”, shroi tutje ai./teve1.info./