I pari i Prishtinës, Përparim Rama, ka thënë se viti 2024 për kryeqytetin ishte një vit shumë intensiv dhe sfidues. E si sfidë të madhe e quan mos përkrahjen nga Qeveria apo pengimin që ata bënë në projektet e kryeqytetit.
E për këtë çështje ka folur, shefi i Asamblistëve të LVV-së, Gëzim Sveçla i cili ka thënë se asgjë nuk është e veçantë dhe e re nga kryetari i Prishtinës, Përparim Rama ngase sipas tij po mundohet që fajin për dështimet e tij t’ia lë nivelit qendror.
“Asgjë e veçantë dhe asgjë e re nga Përparim Rama, është në vitin e fundit të mandatit të tij dhe tash e dy tri vite që kisha me thanë Rama ankohet dhe mundohet që fajin për dështimet e tij të ia lë nivelit qendror e herë herë edhe grupit tonë të asamblistëve, Rama kur e ka fituar Prishtinën nuk e ka fituar duke premtuar se unë do të bëjë këtë me ndihmën e Qeverisë së Kosovës ose unë do të realizoj atë projekt me ndihmën e kujdo qoftë”, ka deklaruar Sveçla në emisionin “Ditari” në Tëvë1.
Madje sipas Sveçlës kjo është një nën sens politik dhe logjik, ku po pësojnë qytetarët e Prishtinës.
“Është një nën sens sa politik ashtu edhe logjik, mirëpo që fatkeqësisht nga kjo po pësojnë qytetarët e Prishtinës, vazhdon degradimi, mungesa e investimeve kapitale, vazhdon Prishtina të jetojë në një gjendje të paparë në vitet e kaluara. Qytetarët e Prishtinës vëllimin e problemeve me të cilën ballafaqohen e kanë më të madhe se kurdo herë më parë”, ka thënë ai.
Ndërkaq, ai thotë se Unaza e Kryeqytetit është e paevitueshme që të bëhet.
Sveçla përmend shifrën 130 milionë euro të cilën kryeqytetit i kanë mbetur nga investimet kapitale.
“Unë e kam shumë të qartë se duhet të bëhet Unaza e Kryeqytetit, është e paevitueshme që ajo do të bëhet dhe se do të bëhet me përkrahjen e nivelit qendror, mirëpo kjo do të ndodhë atëherë kur t`i vie koha dhe radha. Ramës për gjatë këtyre tri viteve që ka udhëhequr me Prishtinën i kanë tepruar vetëm nga kategoria e investimeve kapitale përmbi 130 milionë, vitin e fundit këtë që e lam mbrapa i kanë tepruar 33 milionë është subliciti. Opozita në nivel qendror po bllokon dhe po vazhdon të bllokon pushtetin në këtë rast LVV-në vetëm te çështja e aprovimit të kredive ndërkombëtare, të cilat në Kuvendin e Kosovës duhet të votohen”, ka theksuar Sveçla./teve1.info/
