Ministri i Punëve të Brendshme, Xhelal Sveçla ka mirëpritur falënderimet nga policia gjermane e malazeze për konfiskimin e veturës në Mitrovicë të Veriut, e cila ishte në kërkim nga autoritetet gjermane.
Sveçla përmes një postimi në Twitter, ka thënë se puna serioze e Policisë së Kosovës e ka bërë këtë të fundit partner të besueshëm për aleatët e vendit, raporton teve1.info
Tutje, ai ka theksuar se këto raste janë dëshmi e profesionalizmit të Policisë, teksa ka thënë se profesionalizmi nuk mungon në asnjë rast asnjëherë.
“Puna serioze e Policisë së Kosovës na bën një partner të besueshëm për aleatët tanë. Ne kemi mirëpritur falënderimet e veçanta nga pala gjermane dhe malazeze për operacionet e fundit. Këto raste janë dëshmi e profesionalizmit të Policisë sonë, i cili nuk mungon asnjëherë në asnjë rast”, ka shkruar Sveçla në Twitter.
The serious work of the @Kosovo_Police makes us a reliable partner for our allies.
We have welcomed the special thanks from the German & Montenegrin side on recent operations. These cases are evidence of the professionalism of our Police, which is never lacking in any case.
— Xhelal Sveçla (@XSvecla) June 8, 2023
Ndryshe, policia gjermane dhe malazeze kanë falënderuar Policinë e Kosovës për bashkëpunim profesional, në lidhje me konfiskimin e veturës në Mitrovicë të Veriut, e cila ishte në kërkim nga autoritetet gjermane.
Në një komunikatë të lëshuar për media, thuhet se policia gjermanëee ka cituar si “sukses të shkëlqyeshëm të kolegëve të Policisë së Kosovës”.
Policia gjermane falënderon Policinë e Kosovës për gjetjen e veturës në Mitrovicë të Veriut
