Ministri në detyrë i Punëve të Brendshme, Xhelal Sveçla ka thënë se nuk ka vend për kriminelë në radhët e Policisë së Kosovës.
Ai kështu është shprehur pas aksionit që ka zhvilluar Inspektorati i Policisë së Kosovës në bashkëpunim me Prokurorinë Themelore, ku janë arrestuar katër persona në mesin e të cilëve edhe një kolonel i policisë.
“Përgëzoj Inspektoratin Policor të Kosovës për aksionin e djeshëm, ku u arrestuan katër qytetarë, ndër ta edhe një zyrtar i lartë i Policisë së Kosovës. Krimi nuk ka vend në shoqërinë tonë, e posaçërisht nuk ka vend për kriminelë në radhët e Policisë. Mbështes dhe njëkohësisht insistoj në veprime edhe më të vendosura të Inspektoratit, që radhët e Policisë të pastrohen nga elementë të tillë që njollosin emrin e institucionit më kredibil dhe me besueshmërinë më të madhe në vend”, ka shkruar Sveçla.
Aksion në Prizren: Arrestohen katër persona, mes tyre një kolonel policie
