Sveçla në këtë takim ka ritheksuar nevojën urgjente që qytetarëve të Kosovës të iu mundësohet liberalizimi i vizave.
“Gjatë këtyre takimeve biseduam për arritjet konkrete të Ministrisë së Punëve të Brendshme në fushën e luftimit të krimit, korrupsionit dhe terrorizmit dhe nevojën e bashkëpunimit të ngushtë për siguri dhe stabilitet në rajon dhe më gjerë. Me këtë rast ritheksova nevojën urgjente që qytetarëve të Kosovës të iu mundësohet liberalizimi i vizave dhe Kosova të trajtohet e barabartë me vendet tjera të rajonit”, ka shkruar ai në një postim në Facebook.
Sipas tij, Johannes Luchner nga DG HOME e ka rikonfirmuar se Kosova ka përmbushur të gjitha kriteret dhe Komisioni Evropian mbështet plotësisht liberalizimin e vizave për Kosovën.
“Z.Johannes Luchner nga DG HOME, rikonfirmoi se Kosova ka përmbushur të gjitha kriteret dhe KE mbështet plotësisht liberalizimin e vizave për Kosovën. Gjithashtu diskutuam dhe për projekte konkrete për mbështetje të MPB-së, Policisë së Kosovës në luftimin e krimit ndërkufitar”, tha Sveçla. /teve1.info/
