Ministri i Punëve të Brendshme, Xhelal Sveçla, ka kujtuar në 17-vjetorin e vdekjes, policin Triumf Riza.
Ministri tha se ende nuk është vënë drejtësia e plot në këtë rast.
“17 vite më parë, në qendër të Prishtinës, me breshëri plumbash nga dora e grupeve kriminale të asaj kohe u vra zyrtari policor Triumf Riza. Jemi dëshmitarë se ende nuk është vendosur drejtësia e plotë me këtë rast, gjë që na obligon të gjithëve që të punojmë pandalshëm që ajo të ndodhë jo vetëm si shpagim për krimin e bërë por edhe si parandalim që kohërat e situatat e tilla të mos na përsëriten më. Lavdi e përjetshme Heroit Triumf Riza!”, ka shkruar Sveçla.
