Ministri i Punëve të Brendshme, Xhelal Sveçla, ministri i Pushtetit Lokal, Elbert Krasniqi dhe deputeti Armend Muja, gjatë ditës së sotme kanë vizituar ish-objektin e strukturave paralele serbe, i cili tashmë është kthyer në kuadër të MPB-së, MAPL-së dhe Ministrisë së Financave.
Ndërkohë, në komunën paralele serbe të Skenderajt në veri, e cila u mbyll dje, njësitë policore gjatë kontrollit kanë gjetur dhe konfiskuar dokumente dhe pajisje të cilat vërtetojnë se në objektet ilegale janë lëshuar dokumente të falsifikuara.
Policia e Kosovës ka thënë se zyrtarët policorë gjatë patrullimit në afërsi të objektit të policisë në veri të Mitrovicës kanë vërejtur persona të panjohur të cilët po frekuentonin një zyre, e që gjatë verifikimit të personit përgjegjës është identifikuar se kjo zyre vepron si pjesë e strukturave ilegale dhe është përgjegjëse për Komunën e Skenderajt.
Prokurori më pas ka urdhëruar që provat materiale që gjenden në këtë zyre të sekuestrohen dhe zyra të mbyllet, ndërsa personat përgjegjës të intervistohen./teve1.info/
