Por, vetëm një ditë pas, Inspektorati Policor i Kosovës, rekomandoi suspendimin e tij.
“Drejtori Rajonal i Policisë së Kosovës në Mitrovicës së Veriut dyshohet se ka kryer veprat penale “Sabotim” dhe “Thirrja për rezistencë” të parapara në Kodin Penal të Republikës së Kosovës. Andaj, duke marrë për bazë dyshimin për veprat penale në hetimin e këtij rasti, bazuar në autorizimet ligjore të IPK-së është rekomanduar suspendimi i të njëjtit”, thuhet në qëndrimin e IPK-së.
E nuk vonoi shumë dhe Policia e Kosovës, e pranoi rekomandimin e Inspektoratit.
“Me datë 03.11.2022, u.d. drejtori i Përgjithshëm i Policisë së Kosovës me rekomandim të IPK-së ka suspenduar nga ushtrimi i detyrave të përgjithshme të punës dhe autorizimeve policore drejtorin rajonal të Mitrovicës Veri, për mosrealizim të autorizimeve ligjore dhe zbatim të vendimeve zyrtare”, thuhet në njoftimi e Policisë së Kosovës.
Kërkesës së Inspektoratit, i doli në mbrojtje edhe kryetari i Sindikatës së Policisë së Kosovës Imer Zeqiri.
E sipas Ehat Miftarajt nga Instituti i Kosovës për Drejtësi, Gjuriqi ndërmori atë veprim për të përçuar mesazh të popullata serbe që të mos i zbatojnë vendimet e qeverisë së Kosovës.
Qëndrimi i Gjuriqit për të mos respektuar fazën-qortuese, mund të jetë edhe i porositur sipas profesorit të fushës së sigurisë Sheqir Kutllovci.
Faza qortuese është e përcaktuar të zgjasë deri më datën 21 nëntor. Pas saj, vije ajo e gjobitjes me nga 150 euro.
Kronika e gazetares Doresa Geci.