Drejtori i ndërrimit në stacionin policor në Ferizaj është suspenduar për tri ditë, për shkak të mos menaxhimit të mirë të policëve.
Vendimi ka ardhur pasi të premten në mbrëmje një pjesëtar i policisë me armë zyrtare por jashtë detyrës ka vrarë një person në fshatin Bibaj.
“Po mund të ju konfirmoj që kjo ka ndodhur. Është masë e cila është ndërmarrë nga policia, është masë preventive nuk është masë se zyrtari ka marrë pjesë në rast. E kemi vlerësuar se i njëjti nuk ka monitoruar policët që ka pasur dhe kjo është kështu.”- ka thënë për teve1.info zëvendësdrejtori rajonal i Policisë në Ferizaj, Qazim Reka.
Polici që kreu vrasjen është arrestuar dhe suspenduar. Ai ishte vet-dorëzuar në polici pas aktit, derisa ende nuk dihet motivet.
Për këtë rast është arrestuar dhe një person tjetër.
Dy të arrestuarve u është caktuar masa e ndalimit 48 orë.
