Boston humbet 133-131 ndaj Indiana në një përballje mes ekipeve rivale në Konferencën e Lindjes. Gjithsesi, Celtics ruajnë kreun e renditjes në këtë kah të NBA. Brown realizoi 40 pikë për Boston por që s’mjaftuan, ndërsa për Indiana 7 lojtarë realizuan mbi 10 pikë (Mathurin me 26 pikë më i miri).
Clippers rikthehet te fitorja pas humbjes në derbi, duke mposhtur 138-111 Phoenix. Vendimtar ishte stoli i Clippers, nga ku erdhën 44 pikë, ndërsa 30 pikët e Durant mbetën për statistikë.
Pas kohës shtesë fiton Chicago, që mundi 119-112 Charlotte, sfidë ku u ndallua Coby White me 27 pikë.
Befason skuadra e Utah Jazz, që fitoi 132-116 në fushën e Milwaukee. Pesë lojtarë për miqtë realizuan mbi 19 pikë, duke e bërë të pavlefshme “triple double” të Antetokounmpo (25 pikë, 10 rebound, 11 asist).
Fiton Miami, që mundi 120-113 Houston, ndeshje ku u dallua Tyler Herro me 28 pikë.
