Me ndeshjen ndërmjet Dukagjinit dhe Llapit, do të mbyllet xhiroja e 27-të e Superligës së Kosovës në futboll.
Kjo ndeshje luhet sot prej orës 15:00 në stadiumin “18 Qershori” në Klinë dhe pritet të jetë shumë interesante.
Të dyja skuadrat do të futen për fitore pasi duan të largohen nga zona që dërgon në një kategori më poshtë sezonin e ardhshëm.
Aktualisht, Dukagjini është i teti në tabelë me 32 pikë të mbledhura, dy më shumë se Llapi që zë vendin e nëntë.
Megjithatë, Llapi ka treguar formë më të mirë sesa Dukagjini në pesë xhirot e fundit të elitës së futbollit kosovar.
Llapi ka dy fitore, dy barazime dhe një humbje kurse Dukagjini krahas dy fitoreve ka edhe dy humbje e një barazim.
Dukagjini nuk di për fitore në dy ndeshjet e fundit, ku ka marrë vetëm një pikë kurse Llapi ka marrë katër pikë nga dy përballjet e fundit që i kishte në Superligë.
