Sot janë në program për t’u zhvilluar dy takime në kuadër të javës së 27-të të Albi Mall Superligës së Kosovës në futboll.
Gjatë ditës së djeshme u zhvilluan dy përballje, ku Drita fitoi 1-0 në udhëtim te Feronikeli ’74 dhe Malisheva mposhti 1-0 Prishtinën.
Sot janë në orar për t’u zhvilluar gjithashtu dy takime interesante, ku vëmendja padyshim se do të jetë në Suharekë në derbin lokal.
Ballkani është nikoqir i Suharekës në ndeshjen që pritet të luhet në stadiumin me bari artificial, me fillim nga ora 15:00.
Në ndeshjen tjetër, jo më pak të rëndësishme, Gjilani e pret Ferizajn, në takimin që vlen më shumë se tri pikë, për t’i ikur zonës së rrezikshme.
