Pas dy javësh pushim shkaku i Kombëtareve, Superliga e Kosovës në futboll rikthehet në aksion këtë vikend.
Elita e futbollit kosovar, do të vazhdojë me xhiron e katër, ndeshjet e së cilës do të luhen të gjitha të dielën dhe në dy orare.
Katër prej pesë ndeshjeve do të nisin nga ora 15:00, ndërsa në mbrëmje do të luhet derbi ndërmjet Prishtinës dhe Dritës në stadiumin “Fadil Vokrri” prej orës 20:15.
Ndeshjet tjera, që do të startojnë në orën 15:00, janë Ballkani – Drenica, Dukagjini – Ferizaj, Gjilani – Malisheva dhe Prishtina e Re – Llapi.
Pas tri xhirove të luajtura deri më tani këtë sezon në Superligë, Prishtina, Dukagjini dhe Ferizaj prijnë në tabelë me nga 6 pikë të tubuara secila.
Ndërkohë, Drenica dhe Drita, janë skuadrat që e kanë nga një ndeshje më pak të luajtur deri më tani.
